Viure al pais

D’aquela passa, tre que fasèm un pet i a la TV que nos arriba! (saique se fan cagar a Tolosa?)

Aprèp la Polida http://france3-regions.francetvinfo.fr/occitanie/emissions/viure-al-pais-0 e dins l’espèra dels Vilanòvas brothers, dimenge los mai Roquetians dels Setòris:

 Aqueste dimenge, a l’emission Viure al país, 11° manca 20, passarà lo  reportatge fach a Seta, amb Alan Camelio, Felip Carcassés e Miquela Stenta. 
 
Seta que ne sèm enamorats e que i pas de dire fa fuòc de tota lenha que ven de se ronçar sus la tela, »lo Bordigon per totes » èra ja a l’epòca una reivindicacion de Biscan-pas-lo primièr / Gustau Therond:
Pica aquí dessús que veiràs Seta: ceucleoccitansetori.wordpress.com
 
Enfin l’actualitat nòstra per aqueles qu’an agut lo tòrt de pas venir dimars e un rebat d’una serada de las chanudas, l’omenatge a Luceta:
 
E, quand me pense a çò que vos espèra, francament m’agradariá d’èsser a la vòstra plaça.
De venir:
Dimècres / Mercredi 19 AVRIL / 19 d’ABRIU : (mai de precisions vendràn en son temps)

Cafè occitan Marie-José Fages Lhubac /Josiana Ubaud / Jean-Michel Lhubac  « Chansonnier etnopédagogique volume 3 o Cançonièr totemic lengadocian volum 3 »  Ed. Trabucaire. 2016

Vè, quand an sauput que los avián convidats, totes tres, a l’academia Carles Cros, los an premiat un còp de mai. Es per te dire!
Per lo segond còp, l’Acadèmia Carles Cros recompensa lo Cançonièr Totemic Lengadocian de Maria-Josè Fages-Lhubac, JoanMiquèu Lhubac, Josiana Ubaud.  Aprèp lei dos premiers volums guierdonats en 2007, lo volum III obten encara un « Còp de còr » de l’Acadèmia, categoria Jove Public. Li foguèt autrejat dissabte 18 de Març, a Marselha, dins l’encastre dau Festenau dei musicas dau monde.
Presentacion dau cançonièr : http://www.josiane-ubaud.com/canta_3.htm