Archives de catégorie : CAFÈS OCCITANS

Programa Pompinhan

affiche fête des cafés occitans mercredi 3 juin 2015 à Pompignan

 Mond d’Occitània e de’n pertot, abans que de n’acabar per la sason amb lo balèti a venir dau 13 de junh, nos deslocalizam per un còp mas o sabètz un còp fa pas… e vos convidam lo dimècres 3 de junh a Pompinhan al recampament das cafès occitans de Gard e d’Erau. E rau…

Lo darrièr cafè òc de l’an partejat amb los amics das autres cafès òc, e amb los convidats de totes, es pas polida la vida que vos fasèm?

 

Pompinhan serà per una serada lo Davòs d’Occitània, dau causse lo G7 (per d’aiga ai pas set), los jòcs olimpics de la lenga nòstra, que tot çò que l’occitanisme d’aqueles departaments compta coma VIPs, perdon, coma òlis onchoses, grums gròsses, blancs das pòrres, la sanflorada, nosautres totes qué!, serà acampat per se congostar e totalfestumejar.

Demandetz pas lo programa, es aquí dejós:

Verso tract Café Oc Pompi

Pour entendre chanter Lo Cocut dans le village mais aussi André, Annette, Hervé, Millie et d’autres,

pour écouter les poèmes choisis par Jean-Claude, répondre aux devinettes de Philémon,

 écouter contes et histoires, et on ne peut pas tout annoncer …

Pour savourer la soupe de poisson de Caro, les moules grillées par des spécialistes héraultais amb sos « muscles de Brissac al pelhòt », les desserts de Cécile…

et pour ne pas jeter inutilement : apportez vos couverts, nous fournirons les assiettes, des vraies !

Pour profiter du concert (gratuit !) puis danser joyeusement avec Garric :

il faut venir le   Mercredi 3 juin, au kiosque derrière l’église de Pompignan, à 18 heures .

En raison des travaux importants qui ont lieu au centre du village, il est conseillé de se garer aux abords de la cave coopérative ou au champ de Blaise (à coté du terrain de tennis)

Es lo TOTAL FESTUM 2015 : 

Venètz tre 6 oras festejar amb los cafèsÒC de Gard e d’Erau !

 

Cafè òc – Josiana Ubaud

eglise-clocher

 

 

 

 

 

 

 

Dimècres 29 d’octòbre, tre 7 oras dau vèspre, a la glèisa vièlha d’Argelièrs, cafè òc descabestrat amb  Josiana Ubaud.

 La màger part la conoisson jot la casqueta de l’etnobotanista en domèni occitan, nombroses los que se congostèron de l’acompanhar, còp o autre, sus lo terrenh:

« Josiana Ubaud, aquela femna ideala en temps de crisi, puòi que t’apastura d’ensaladas sauvatjas una tropelada de 25 personas, sus un cairat de quatre pans de costat ! »

D’autres prèsan encara mai sas colèras famosas, quand, repotegairitz de servici, soleta, torna emparaular un pòble d’òc tròp sovent mut.

Çò melhor essent d’anar veire lo site de Josiana : http://www.josiane-ubaud.com/

 

Mas, en mai l’amiga e afogada de nòstres cafès, es la lingüista e femna de sciéncias que recebrem dimècres 29, per la sortida de son Diccionari Scientific (Matematica-Informatica-Fisica-Tecnologia-Quimia), Nerta Edicion, 2014.

Los de plànher seràn los absents. Venètz doncas ubaudizar* la vòstra lenga nòstra, vos assabentar tot en partejam lo pan, lo vin, lo demai, e mai encara, se afinitats…

*ubaudizar: parlar e escriure l’occitan dau sègle XXI d’un biais condrech e granat.

Per trapar la sala / Pour trouver la salle :

Per trapar la glèisa vièlha: es aquela qu’a lo cloquièr roman, a l’occitana. S’apargar a l’amorièr grand o endacòm mai, dintrar dins lo vilatge vièlh, seguir la carrièròta de l’ase dau paure Sidòbre, daissar de costat la Casa di Dante, pas luònh dau Sant de paret, e i tombatz dessús, còsta la comuna.

Perqué aqueles « cafès »?
Per parlar occitan, se rescontrar, faire riqueta e s’assabentar los cafès occitans
Café occitan? pour parler, se rencontrer, partager un repas, s’instruire…
Mòde d’emplèc / 

Per quals?

Tot lo mond, sòcis o pas de l’associacion, locutors o pas de la lenga d’òc, dau nenon pas tròp plorinejaire, al papeta rance pas tròp repapiare, e mai eles! Basta d’aver enveja d’ausir e de parlar l’occitan, (per aqueles qu’o pòdon), lenga en libertat, occitan de carrièira o patés de facultat. 

Coma? Comment?

Segon la formula consacrada « Venètz e portatz » Qual de beure, qual de manjar, de sucrat o de salat, de pebrat per racontar… Metem tot amassa e partejam.

A l’entorn de? Autour de?

 Lo tèma es aquí per faire montar l’alhòli e nos assabentar, en segonda partida de serada, un convidat de tria presenta son trabalh, e una discutida s’enseguís. Per s’acabar en galejadas e cançons.

Mercés d’o faire assaupre al vòstre entorn,

A dimècres,

tota la còla de la Roquetia